Беннет мырза 2018 жылы AIX биржасын құруға ат салысып, 2021 жылға дейін биржаның басқарма төрағасы болған.
AIX басқарма төрағасы лауазымына тағайындалғанға дейін Беннетт мырза Жаңа Зеландия бағалы қағаздар нарығы мен деривативтер нарығының лицензияланған операторы — Жаңа Зеландия қор биржасының (NZX) басқарма төрағасы болды. Ол биржаның сауда және клирингтік жүйелерін ауыстыру мен жаңғыртуды, сондай-ақ Жаңа Зеландия қор биржасының Басқарушы қоры арқылы 23 биржалық инвестициялық қорды (ETF) шығаруды қоса алғанда, елеулі ұйымдық және нормативтік өзгерістер кезеңінде NZX-ті басқарды.
NZX-ке келгенге дейін Беннет мырза Азиядағы Oliver Wyman және Boston Consulting Group компанияларында серіктес болды.
Пенсильвания Университетінің Уортон мектебінің МВА дәрежесі және Веллингтондағы Виктория Королева университетінің сауда және әкімшілік саласындағы бакалавр дәрежесі бар.
Әсел Мұқажанова 2023 жылдың қыркүйегінен бастап AIX Басқарма төрайымы қызметін атқарып келеді. Бұған дейін ол AIX-тің Нарықтар және өнімдер жөніндегі басқарушы директоры және уақытша Басқарма төрайымы болған.
Банк саласында және капитал нарықтарында 30 жылдан астам кәсіби тәжірибесі бар. Өз мансабын қазақстандық банктің валюталық операциялар бөлімінде бастап, кейін халықаралық даму саласында жетекшілік қызметтер атқарған. Кейін ол инвесторлармен өзара қатынастар, қарыз және акция нарықтары, стратегиялық жобалар мен бірігу және қосылу (M&A) мәмілелері бағытын қадағалайтын атқарушы директор қызметіне тағайындалды.
Мұқажанова ханымның халықаралық іскерлік ортада мол тәжірибесі бар. Ол синдикатталған несиелер, еурооблигациялар шығару (жария және жеке орналастырулар), активтерді секьюритизациялау (ABS) сияқты бірқатар маңызды мәмілелердің жүзеге асуына жетекшілік етті. Сондай-ақ, оның басшылығымен ірі бірігу және қосылу мәмілелері мен стратегиялық даму жобалары іске асырылды. Ол Қазақстанның ең ірі банкінің алғашқы халықаралық IPO алдындағы кезеңінде ЕҚДБ-ны стратегиялық инвестор ретінде тартқан команданың құрамында болды.
Әсел Мұқажанова Қазақ мемлекеттік басқару академиясын «Халықаралық бизнес» мамандығы бойынша тәмамдап, Лондон және Гарвард бизнес мектептерінде басшыларға арналған бағдарламалардан өтті.
Бауыржан өзінің мансабын аудит және қаржылық қызметтер саласында, Deloitte, Temirbank және Union Bancaire Privee компанияларында қызмет атқара отырып, қаржылық модельдеу, комплаенс және портфельді басқару саласында берік негіз қалаумен бастады.
Ол бірқатар басшылық қызметтерді атқарды. PIT Tech Garden компаниясының бас директоры ретінде 100 миллион АҚШ долларын құрайтын 200-ден астам өнеркәсіптік жобалардың жүзеге асырылуын қадағалады. Бауыржан «Шымкент ӘКК» АҚ бас директоры қызметін атқарып, ірі активтер портфелін басқарды және шамамен 2 миллиард доллар инвестиция тартты.
Сүлейман Демирел университетінің экономика бакалавры және бизнес әкімшілігі магистрі (MBA) дәрежесіне ие.
Джанет Хекман Еуропа қайта құру және даму банкінде (ЕҚДБ) 2017 жылғы ақпаннан бастап 2019 жылғы желтоқсан аралығында Оңтүстік және Шығыс Жерорта теңізі өңірі (ОШЖТ) бойынша басқарушы директор лауазымын атқарды. Ол Каирде жұмыс істеді, сонымен қатар ЕҚДБ-ның Египет жөніндегі директоры болды.
Хекман ханым ЕҚДБ-да жұмыс істеуді Citi-ден кейін 2012 жылғы шілдеде, Алматыда, Қазақстан жөніндегі директор болып бастады. 2019 жылы Джанет Air Astana Директорлар кеңесінің тәуелсіз директоры болып тағайындалды. Citi-дегі ұзақ қызметі кезінде ол Еуропа, Таяу Шығыс және Африка елдері жөніндегі корпоративтік және инвестициялық секторда басқарушы директор лауазымын және осы өңірдегі жергілікті бөлімшелерде бірқатар функцияларды атқарды, сонымен қатар Орталық Еуропа, Таяу Шығыс және Африка елдерінде жаһандық банк қарым-қатынастары үшін жауапты болды.
Хекман ханымның Вашингтондағы Джорджтаун университетінің дипломатиялық қызмет бойынша үздік дипломы мен магистр дәрежесі және Огайо штатындағы Кеньон-колледждің тарих бакалавры дәрежесі бар. Сонымен қатар Ливанда, Бейруттың Америкалық университетінде оқыған.
Хао Фу мырза Шанхай қор биржасы жаһандық бизнес комитеті төрағасының орынбасары.
Ол Фудан университетінде қаржы мамандығы бойынша доктор дәрежесіне және Қытайдағы Сычуань университетінің экономика магистрі, халықаралық сауда бакалавры дәрежесіне ие. Ол сондай-ақ Жаһандық бизнесті дамыту департаментінің басқарушы директоры және Шанхай қор биржасының еркін сауда аймағының сауда платформасын дайындау тобының жетекшісі қызметін атқарады.
Доктор Фу Шанхай қаржылық жетекші таланты (2017) және Шанхай қаржылық инновациялық қайраткері (2014) деген марапаттарға ие.
Патрик О'Брайен британдық «Blizzard Partners Limited» инвестициялық және кеңестік компаниясының негізін қалаушы серіктестердің бірі. Компанияның мүдделері Ұлыбританияда және Азияда шоғырланған.
Қазіргі уақытта Патрик бірқатар компаниялар мен қорлардың кеңестеріне кіреді.
Бұған дейін алты жылдан астам уақыт бойы Лондонда орналасқан «ADM Capital LLP» компаниясының серіктесі болды. Патрик «ADM Capital» компаниясына «UBS Investment Bank» компаниясынан келді, ол онда 21 жыл жұмыс жасаған, соңғы жылдары еуропалық нарықтық капитал департаментінің басшысы ретінде Еуропадағы қаржыландыру және банк тәуекелдерін басқарды.
Оның инвестиция саласындағы тәжірибесі бірнеше секторларды қамтиды, соның ішінде технологиялар, тұтынушылық тауарлар, денсаулық сақтау, ауыл шаруашылығы, өндіріс, жаңартылатын қуат, көмір, жылжымайтын мүлік, және білім беру.
Патрик О'Брайен University College London-да құқықтану бойынша бакалавр дәрежесін алған.
Әсел Мұқажанова 2023 жылдың қыркүйегінен бастап AIX Басқарма төрайымы қызметін атқарып келеді. Бұған дейін ол AIX-тің Нарықтар және өнімдер жөніндегі басқарушы директоры және уақытша Басқарма төрайымы болған.
Банк саласында және капитал нарықтарында 30 жылдан астам кәсіби тәжірибесі бар. Өз мансабын қазақстандық банктің валюталық операциялар бөлімінде бастап, кейін халықаралық даму саласында жетекшілік қызметтер атқарған. Кейін ол инвесторлармен өзара қатынастар, қарыз және акция нарықтары, стратегиялық жобалар мен бірігу және қосылу (M&A) мәмілелері бағытын қадағалайтын атқарушы директор қызметіне тағайындалды.
Мұқажанова ханымның халықаралық іскерлік ортада мол тәжірибесі бар. Ол синдикатталған несиелер, еурооблигациялар шығару (жария және жеке орналастырулар), активтерді секьюритизациялау (ABS) сияқты бірқатар маңызды мәмілелердің жүзеге асуына жетекшілік етті. Сондай-ақ, оның басшылығымен ірі бірігу және қосылу мәмілелері мен стратегиялық даму жобалары іске асырылды. Ол Қазақстанның ең ірі банкінің алғашқы халықаралық IPO алдындағы кезеңінде ЕҚДБ-ны стратегиялық инвестор ретінде тартқан команданың құрамында болды.
Әсел Мұқажанова Қазақ мемлекеттік басқару академиясын «Халықаралық бизнес» мамандығы бойынша тәмамдап, Лондон және Гарвард бизнес мектептерінде басшыларға арналған бағдарламалардан өтті.
Жарас Мұсабековтің қаржылық қызметтер саласында 19 жылдан астам тәжірибесі бар. Қаржы директоры қызметіне тағайындалмас бұрын ол АІХ-тің қор операциялары бағытына басшылық етті.
Биржаға келмей тұрып Мұсабеков мырза «Қазақстан темір жолы» ұлттық компаниясының Қазынашылық департаментін басқарды. Сонымен қатар, «Бәйтерек» ұлттық басқару холдингінде корпоративтік қаржы саласында жұмыс атқарды және Ұлттық қордың және республикалық бюджеттің қаражатын тартуға қатысты. Қазақстанның Даму Банкінің қызметкері болған кезінде Банктің сыртқы капитал нарықтарынан қарыз алуына қатысты, сол сияқты Банктің қазынашылығында жұмыс істеді.
Жарас еңбек жолын Делойт аудиторлық компаниясында қаржылық қызметтер департаментінде бастаған.
Л.Н.Гумилев атындағы Еуразия Ұлттық Университетінің қаржы бакалавры дәрежесіне ие.
Талғат Жексенов – банк, телекоммуникация, мұнай-газ және тау-кен өнеркәсібінде 30 жылдық тәжірибесі бар тәжірибелі IT-менеджмент маманы. Бұрынғы жұмысында ол TotalEnergies Italy компаниясында үш жыл бойы CIO қызметін атқарған. Бұған дейін ол Қазақстан, Дания, БАӘ және Сингапурдағы TotalEnergies E&P, Maersk Olie & Gas, AMEC және WorleyParsons компанияларында негізгі IT жетекші лауазымдарын атқарған.
Еңбек жолын ақпараттық технология маманы ретінде бастаған Талғат Қазақстанда SMS технологиясын қолданудың бастамашысы болды (2006 ж.) және елдегі алғашқы банкаралық төлем жүйесіне үлес қосты (1999). Сондай-ақ ол Kcell және Tele2 үшін биллинг жүйелері мен интерфейстерін әзірлеуде басты рөл атқарды.
Талғат Қазақ мемлекеттік университетінде философия магистрі, Лондон Метрополитен университетінде информатика ғылымдарының магистрі дәрежесін алды, Солтүстік Лондон университетінде және Cambridge Judge бизнес мектебінде басқару бағдарламаларына қатысқан.
Оливье Гэрис биржалық индустрияда жиырма бес жылдан астам халықаралық жұмыс тәжірибесі бар, С деңгейдегі операциялар және тәуекелдерді басқару жөніндегі басшы болып табылады.
Осы уақыт ішінде Frontier (жоғары тәуекелді, тұрақсыз нарық) санатынан MSCI, FTSE және S&P индекстерінде Emerging (дамушы нарық) санатына көшкен Катар қор биржасының бас операциялық директоры ретінде еңбек еткен жеті жылдан кейін Гэрис мырза Қазақстанға келді, мұнда ол бастапқыда өңірлік қаржы орталығы ретінде AIX құру мәселелері бойынша АХҚО-ға консультация берді.
AIX және Катар қор биржасында жұмыс істегенге дейін Оливье Гэрис Turquoise MTF, Бостон опциондар биржасында (BOX), Австралиялық деривативтер биржасында (ADX) және Euronext Paris құрамында басшылық қызметтерін атқарды.
Гэрис мырза Пантеон Ассас университетінің (Париж II) құқық бакалавры дәрежесіне ие.
Біржан Астаев AIX биржасына 2019 жылы өнімдерді дамыту бағытына жауапты маман ретінде келді. Бұл қызметте ол бірнеше жобаның іске асуына үлес қосты, соның ішінде биржалық облигациялар, мобильді қосымша және AIX Индексінің іске қосылуы бар.
Қаржы қызметтері саласында 20 жылдан астам тәжірибесі бар. Банк саласында жұмыс істегенде ол түрлі жобаларды басқарды, атап айтқанда стратегияны жазу және жүзеге асыру, қор жинау, және басты стейкхолдерлермен байланыс орнату.
Қазақ мемлекеттік басқару академиясын қаржы мамандығы бойынша үздік тәмамдаған.