Astana International Exchange («AIX» немесе «Биржа») «Самұрық-Қазына» ұлттық әл-ауқат қоры» АҚ-ның қытай юанімен шығарылған, айналым мерзімі 3 және 5 жыл болатын, жалпы көлемі 3 млрд юаньды құрайтын Dim Sum облигацияларының екі траншы листингке енгізілгенін хабарлайды. Аталған облигациялар AIX және Гонконг қор биржасының ресми тізімдеріне енгізілді.
Мәмілені Citigroup Global Markets Limited, Guotai Junan Securities Limited және Standard Chartered Bank бірлескен букраннерлер ретінде ұйымдастырды. Teniz Capital Investment Banking жергілікті жетекші менеджер қызметін атқарды.
Шығарылымның негізгі параметрлері:
- Айналым мерзімі 3 жыл болатын облигациялар: 2 млрд юань, жылдық купондық мөлшерлемесі - 2,15%;
- Айналым мерзімі 5 жыл болатын облигациялар: 1 млрд юань, жылдық купондық мөлшерлемесі - 2,30%.
Бұл орналастыру юаньмен номинацияланған борыштық құралдар нарығын дамыту жолындағы кезекті қадам болып табылады және инвесторларға айналым мерзімдері әртүрлі облигациялар шығарылымына қатысуға мүмкіндік береді.